Цікавыя квэст-экскурсіі ў Вымне і Бабінічах
19 красавіка 2018 года вучні Вымнянскай ДС-СШ і Бабінічскай СШ сталі ўдзельнікамі квэст-экскурсій. Група вучняў з Бабініч прыехала ў Вымна, а вымнянскія школьнікі выправіліся ў Бабінічы. Вучні таксама наведалі музеі ў гэтых навучальных установах.
Ля ўстановы адукацыі “Вымнянская дзіцячы сад-сярэдняя школа” падарожнікаў сустракаюць экскурсаводы – настаўнікі Вінаградава Н.М. і Краснабаева А. В. Адсюль, з вуліцы Віцебскай і пачынаецца квэст-экскурсія. Канчатковы пункт да якога прыйдуць падарожнікі - невядомы, яго трэба “рассакрэціць”, выконваючы розныя заданні . А знаходзіцца ён на вуліцы Нікіфароўскага. На працягу шпацыру ўдзельнікі квэст-экскурсіі адгадвалі загадкі і па першых літарах адгадак склалі назву канчатковага пункта – “калодеж”, які знаходзіцца на месцы Святой крыніцы.
Змястоўны і цікавы квэст чакаў вымнянцаў ў Бабінічскай СШ, дзе экскурсаводы пад кіраўніцтвам настаўніка гісторыі і грамадазнаўства Касцюкевіча У.М. распрацавалі і правялі квэст-экскурсію, прысвечаную падзеям Вялікай Айчыннай вайны, з якой даведаліся пра гераізм і мужнасць абаронцаў Бабінічскага сельскага Савета.
Вучні абедзвюх школ былі задаволены квэст-экскурсіямі. Вось так у цікавай форме Вымнянская ДС-СШ і Бабінічская СШ далучаюць маладое пакаленне да гісторыі малой радзімы.